ஐ كَــانْ يَـامَـا كَــانْ .. يَـا سَــادَةْ يَــا كِــرَامْ ஐ //مميز المشرف

**اسيره الظلام** · 17-07-2008

..₪.. مسـ ـ ـاءُ الأمـ ـ ـلْ ..₪..

سلسلة قصصية...من التراث الشعبي الفلسطيني..
فلسطين بعتت سلام للجميع..
و حكتلي...
قولي لولادي..
اشتقت كتير للقعدات الحلوة..
ضو القمر..و قلوب الحبايب..
و القصص الندية..
و الحكواي..
تعالوا لنرَجع ايام زمان..
كل يوم قصة ..كل يوم حكاية..
مش لحتى انّام..
عشان يصحَ فينا اشي ما بينام..
ليالي كانت في فلسطين..
و قصص نحكيلها لنبقى احنا في الوطن عايشين.

**اسيره الظلام** · 17-07-2008

..₪.. مسـ ـ ـاءُ يتجـ ـ ـدّد ..₪..

كان يا ما كان يا مستمعين الكلام... و ما يحلى الحكي الا بالصلاة على محمد خير الانام...

زيدوا المصطفى صلاة...

هاظ يا سادة يا كرام...يا اهل الجود و الإكرام..
كان في...
و لما كان في...كان هناك كل شي..
كان في بلد ما تعرف الشمس غيرها وطن...
و القمر فيها وجه صبية مليحة..
و كان فيها ناس...الحب و الخير فيها اساس..

كان يا ما كان..

وطن..حب...سلام...أمن..شجر..عمر..قمر..

كان يا ما كان..

كان في وطن...اسمه فلسطين...

و يا حبابي يا سامعين..ما في متلها اتنين.
ما بدي اكتر عليكم حكي...

طلع في يوم عليها الصبح..
هجمت الذيابه....و ما كانت خيابه..
هجموا على البيوت...على الكروم..ع الخوابي..حرقوا الروابي..
و قلعوا عين الصبية.
و طفوا الشمس..

و صار الشعب الحر ساكن بخيام..
و ما بكي عليهم حد..لانه البكي بده زلام.
و في هالعالم ما كان زلام غيرهم..
سكنوا بالخيام..

ايش ضل بالقصة..

طلعوا عليهم بقصة توطين..و اكياس طحين..
يا ويلي ع المساكين..

طلع فيهم منادي و قال:

يا عالم يا هووووو
يا سامعين الصوت..
و رب السما و الدنيا..ترابك يا فلسطين ما يهون.
انا لاجئ ساكن بخيمتى لحتى ارجع او القيامة تقوم..
ما برضى بالذل..
راح ابقى عربي فلسطيني..
عاشق ع طول العمر..
عشقي فلسطيني

يا سامعين الصوت..

انا فلسطيني..
انا فلسطيني..
انا فلسطيني

و هيك يا سادة يا كرام..
صلوا ع المصطفي قبل منكمل الكلام..

و بقى الفلسطيني جرح بصدر الزمان..
حامل جروحه و ين ما كان..

لسّه ما بدت القصة لحتى تنتهي..
لسّه الحكي قدام..

بس الفلسطيني و صاني ابلغكم السلام..

و بوصيكم..

ادعولهم..لحتى ربي يفرج الكرب..و يرجعوا زي زمان....

**بغداديـة** · 17-07-2008

الســــ عليكم ــــلام

جميلة جدا قصصك يا اسيرة الظلام ,,

استمري ونحن متابعين ..

ان شاء الله يفرج كربهم ويرجعو زي زمان واحسن ..

**المطيري** · 17-07-2008

عليه الصلاة والسلام

شكرا لك اسيرة على هاى القصه

متابعين كملى القصص الروعه

دمتى لنا بود

**عابرة** · 17-07-2008

الصلاة والسلام على خير البرية الكرام

اختي شوقتينا اكثر تابعي ونحن معك

اللهم فرج كرب اخواننا في فلسطين

امين

**اسيره الظلام** · 17-07-2008

اقتباس

المشاركة الأصلية كتبت بواسطة بغداديـة


	الســــ عليكم ــــلام جميلة جدا قصصك يا اسيرة الظلام ,, استمري ونحن متابعين .. ان شاء الله يفرج كربهم ويرجعو زي زمان واحسن ..

بحملك من جدي الفلسطيني السلام وبقولك ( يمسيكي ربي بالخير )
وبقولك شكرا يا بنتي لوجودك بحكاياتو ومتابعتك لرواياتو
وبوعدك القصص الجاي حتكون اجمل وبلهجتنا الفلسطينيه

وباسمي انا اشكرك غاليتي بغداديه لوجودك بصفحتي نورتينا

**اسيره الظلام** · 17-07-2008

اقتباس

المشاركة الأصلية كتبت بواسطة المطيري


	عليه الصلاة والسلام شكرا لك اسيرة على هاى القصه متابعين كملى القصص الروعه دمتى لنا بود

جدي بمسي عليك يا مطيري وبقولك من أرض السلام برسلك طيور الحمام لترسم على دروبك حب الوطن وتعطرك بزهره قطفها من ساحات الاقصى ريحتها حتبقى على طول الزمان

( جدو كتير حكي شو اعمل ) لول

اشكرك اخي المطيري لتواجدك في صفحتي وانتظرني انا وجدي حنكمل حكايات زمان

تحياتي

**اسيره الظلام** · 17-07-2008

اقتباس

المشاركة الأصلية كتبت بواسطة عابرة


	الصلاة والسلام على خير البرية الكرام اختي شوقتينا اكثر تابعي ونحن معك اللهم فرج كرب اخواننا في فلسطين امين

عابره جدو بحملك سلامو ومن ارض الوطن برسلك كلامو وبقولك يمسيكي ربي بالخير .. ويعطيكي من جناح الطير شوالات خير . لول ( جدو صاير يمزح كمان ) يلا شو عليه خليه يحكي شوي . لول

أختي عابره اشكر لك عبورك على صفحاتي وان شاء الله ساكمل هنا قصصي الفلسطينه بلهجه فلسطينيه وارفقها فهرس للكلمات التي يصعب فهمها

تحياتي

**الأستاذ** · 18-07-2008

السلام عليكم ورحمة الله وبركاته
من أروع الأفكار التي دخلت لقسم القصص و الروايات ...
تراث فلسطيني رائع نحتظنه بدفء و بمحبة بأسلوب رائع ...
فكرة رائعة و ياريت كل الإخوة يكونوا بمثل هذه الأفكار التجديدية ...
سلسلة أعتقد انها ستحقق نجاح كبير في قسم الروايات و القصص...
بارك الله فيك أختي أسيرة الظلام قسم القصص يتبنى عملك و مجهودك و يشكرك على الفكر التجديدي المتميز ..
سأكون من أوائل المتابعين لهذا العبق الفلسطيني...

--------------
يثبت الموضوع + 5 نجوم + وسام التميز
الله معك أختي
ننتظر بقية السلسلة بشغف

**اسيره الظلام** · 18-07-2008

اقتباس

المشاركة الأصلية كتبت بواسطة الأستاذ


	السلام عليكم ورحمة الله وبركاته من أروع الأفكار التي دخلت لقسم القصص و الروايات ... تراث فلسطيني رائع نحتظنه بدفء و بمحبة بأسلوب رائع ... فكرة رائعة و ياريت كل الإخوة يكونوا بمثل هذه الأفكار التجديدية ... سلسلة أعتقد انها ستحقق نجاح كبير في قسم الروايات و القصص... بارك الله فيك أختي أسيرة الظلام قسم القصص يتبنى عملك و مجهودك و يشكرك على الفكر التجديدي المتميز .. سأكون من أوائل المتابعين لهذا العبق الفلسطيني... -------------- يثبت الموضوع + 5 نجوم + وسام التميز الله معك أختي ننتظر بقية السلسلة بشغف

جدو كتير مبسوط وبسلم عليك اخي الاستاذ
ومستعجل بدو يشكرك بطريقو

( يمسيك ربي بالخير ويسعد ايامك ويزين دروبك من عطر الهيل ) تسلم ايديك يا ابني عهالمتابعه واهتمامك بسلسة حكاياتي وان شاء الله يا ابني رح كون معكم بقصصي وحفيدتي أسيره حتكون معي لحتى ترجملكو بعض الكلمات الفلسطينيه .

ههههههههههه جدو ما بصدق اعطيه المايك لحتى يحكي هههههههههه

اشكرك اخي الكريم غسان لتواجدك هنا في صفحاتي وغدا ساضع اولى حكايات جدو هالختيار .

تحياتي


[ استرجاع كلمة المرور ] [ طلب كود تفعيل العضوية ] [ تفعيل العضوية ]