[لم اكن اتوقع يوما من الايام ان امر بتجربه مثل هذه .....ان انسان محب بفطره الانسان داخلى الى التجربه فقد جربت السجاير مع علمى باضرارها كى اوقن نفسى انها مضره وهكذا .....جلست مع حشاشين ليس للالتهام دخانهم ولكن للاتهام عقولهم ومعرفتهم عن قرب ...واهو بنتعلم ....وهكذا كانت حياتى ....كل خطوة امر بيها لازم اتعلم ......ولكن تعالوا معا نشوف الشيخ سعيد بدا ينشد ايه وهو ينظر الى الصوره امامه......
ياسيدى صالح ...
الله الله الله
ياباب المصالح
الله الله الله
ياسيدى صالح
الله الله الله
ياحلو الملامح
الله الله الله
جينا ليك نتصلح جينا ليك نتصالح على رب العالمين
سر معانا سرك
الله الله الله
وعيشنا فى ضلك
سر معانا سيرك
الله الله الله
وعيشنا فى خيرك
الله الله الله
ياساقى العطاشا
الله الله الله
افتح لينا الشاشه
الله الله الله
جينا ليك وحاشا
نضام وانت الضمين

ويبكى الرجل ويشتد فى البكاء ويقول بالله عليك مش يتحب .......................
قلتله نفسى احبه............
قالى وبعد دا كله انت لسه ماحبيته ؟
قلتله سمعت عنه منكم وشفت صورته لكنى لم اراه لم اكلمه ( لحظتها احسست انى ممكن اتناقش مع الشيخ واتكلم معاه ويرد على ) .......
قالى يبقى تروح السلام قلتله سلام ايه قالى يومى الخميس والاثنين يكون فيه سلام للشيخ ..............
. تيجى معانا كلنا رايحين كلنا .................................................. ..........................................
يوم الاثنين وفى محطه القطار المتجه الى الزقازيق وبالتحديد الساعه الواحده ظهرا لم اكن اتوقع ان اى من مريدى لشيخ سوف ياتى ولكنى كنت واهم وااااااااااااااااااااااااهم وهم كبير حلم لااحد ممن يجبون الشيخ يستطيع ان يفكر فى وهمى لانه ببساطه 90%من الموجودون على رصيف القطار ذاهبون للشيخ ......
والوهم الاكبر انى ساناقشه وساتكلم معاه (عشم ابليس فى الجنه) لانى ذهلت مما رايت وبصراحه انا مبسوط وفى قمه الحزن فى نفس الوقت لما ريت لااعلم ااقول الحمد لله انى رايت ام اقول ليتنى مارايت
انتم الذين ستجيبون على هذا السؤال؟........................لنا عوده ووفقنا الله لم يحب ويرضى

بارك الله فيك أخي أحمد حمدي ...
سرد جذاب بصراحة ...
أنا في المتابعة و أنتظر فتح أبواب النقاش...
موضوع متميز ...
لي عودة أخرى إن شاء الله ...

احمد حمدي تابعت منذ البداية وكلما زدت في السرد

ازداد تعجبا


حقيقة لم يكن عندي الا فهم بسيط سطحي للصوفية


لم اتخيل ان بها هذا الكم من الخزعبلات وخصوصا مانقلته لنا من الورقة

اي عقلية تصدق هذا الكلام!!!!


عذرا اذ قاطعتك الا اني لم اتمالك نفسي

وصلنا الى الساحه الخليليه ..........بجوار مسجد كبير وعتيق
انبهرت من اعداد الناس اللى رايتها هناك ........اعتدت على رؤيه تلك الاعداد
فى مباريات الاهلى ومنتخب مصر .....ولكن بهذا الحجم لم ارى فى حياتى
الغريب فى الامر انى ارى سيارات من مختلف انحاء الجمهوريه والوطن العربى
لدرجه همست لاحد لاصدقاء وقلت له ايه دا ياعم ؟ داحنا ممكت نلاقى سياره ملاكى (نواكشط)
قلى مش مستحيل لان الناس برضه بتيجى من اوروبا .......هههههههههههههه
ضحكت قلتله هى الناس فى اوروبا عارفه ال البيت وبيجوا ياخدوا بركه من الشيخ .........
قالى لا بس العرب المقيمين هناك......هنا تدخل الشيخ سسعيد وقال لى الحمد لله مدد الشيخ اصبح فى جميع انحاء العالم ....لم اقابل كلاماته سوى بالصمت ......لارى جسر على الطريق وهذا ماهالنى فعلا عندما كنا على الجسر وريت الاعداد لت ماشاء الله .......وانتحيت بالشيخ سعيد جانبا وسالته احنا هانسلم على الشيخ امتى داحنا دورنا هايجى فى الاخر ........قالى اصبر
ذهبنا لصلاه العصر فى المسجد ولم يكن الشيخ هناك
المغرب ولم يكن هناك ايضا
العشاء وقد قل عدد المصليين ولم يكن هناك الشيخ .......
انتهينا وكنا كل هذا الوقت منتظرين الحفل (انه عيد ميلاد الشيخ) نعم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ميلاد مين ؟..قالى الشيخ ....شيخ مين ؟ سالته............قالى عمنا الشيخ صالح .............................
ياعم انت مش قايلى سلام وهانرجع ....قالى اه وعملتلك مفاجاه ......(فعلا مفاجاه....... شخصيا انا بيتعملى عيد ميلاد من سن سنه الى ان اوقفته فى 3كليه نظرا لان لم يعد من الئق عمل عيد ميلاد ) شيخ سعيد؟ سالته
ازاى راجل طاعن فى السن بينعمله عيد ميلاد؟........ههههههه ضحك وقالى اولا هو عنده حولى 45سنه ومش طاعن وبعدين دى الكون فرحان افرح كدا وسيبك اقولك تعالى معايا اوريك شى مابتشوفه غير فى التليفزيون......وذهبنا واذا بنا دخل الساحه عندما رفعوا ستار المسرح فعلا مسرح لااراه الا فى التليفزيون
اضواء وكراسى رجاله وحريم واطفال اختلاط هنا جلسنا على احد المقاعد البعيده تبعد عن الصف الاول
بحوالى 20 او 25 صف واطفئت الانوار الا من هاله ضوئيه سكوب على احد اطراف الخيمه الكبيره
وظهر الشيخ ..................
وقام جميع من حولى .....من منكم راء كتابا عن فتره حكم هتلر او راى فيلما يناقش تلك الحقبه من الزمن
هل رايتم كيف كان يتم السلام بين الجنود والمحاربين المنتمين الى الدوله الالمانيه فى اصقاع اوروبا فى ذلك الوقت...هل رايتم كيف يرفعوا ايديهم اليمين عاليه ..................دخل الشيخ وجميع الناس بلا استثناء قامت لتحيه الشيخ بنفس الشكل......وقفت على الكرسى كى ارى الشيخ وهنا جاء شخص من خلفى ورفع يدى والى ارفع ايدك هى مشلوله ؟...ورفع يدى عنوه لتحيه لشيخ وانزلتها بنرفزة وقالى انت اظاهر مش معانا ..لم اجب عليه غير انى رمقته بنظره كلها تجاهل واحتقار ...وتركت المكان كى اذهب واشوف حالى مع مارايت ..قررت ان اغامر وان اصل للشيخ مهما بعد ومهما كانت من حراسات امنيه بجواره ....قلت لصديقى تعالى معايا وكان يعلم المكان جيدا ...رايح فين ؟ سالنى قلتله اروح اشرب عطشان ....قالى بس الحفله هاتبدا قلتله ماتبدا تعالى ياخى ....وذهبنا وكلى امل ان اقف امام الشيخ....ولم صديقى انى اخطط لشى وقلى انا رايحين فين يامجنون قلتله نسلم على عمنا .قالى مستحيل قلتله هانسلم ...واختفينا بين الناس كى نسلم على الشيخ .......ويالها من فكره كانت ستودى بى الى مالا اعلم ......لنا عوده تقبلوا تحياتى

متابعة بذهول لكني قرأت رؤوس اقلام سأقرأها بالتفصيل حين يفتح باب النقاش

السلام عليكم ورحمة الله وبركاته

تم تثبيت الموضوع وختمه بالمميز

متابع وبقوة

اشكر كل من شاهد الموضوع وشارك فيه ....اقولكم سر ؟؟؟؟؟؟؟؟لو لم المس روح المحبه والتعاون والتفاهم وثقافه اهل الواحه لم اكن لاضع موضوعى بين يديكم .....تقبلوا تحياتى

تهنا فى زحام الناس ....انا وصديقى ..قلت له ونحن سائرون عايزين نوصل للخطوط الخلفيه
للناس دى ....نكون وسطيهم ..نشوف بيعملوا ايه ...ورينى بيت الشيخ؟
قالى ايوة هو دا الجنان ...انا مالى ياعم...قلتله اشوف بيت الشيخ من بره بس ....قالى
بيته القديم والمسجد الصغير الذى يتعبد فيه ....قلتله ماشى
ونحن ذاهبون كنا وراء الخيمه قابلت اشكال من الناس اعرفهم جيدا من خلال التلفاز ممثلين ومطربين
مشهورين ولا عبين كره ...وقفنا لناخذ الصور التذكاريه معهم ....قالى صديقى ياعم احمد يعنى انت عايز تعرفنى ان الناس دى غلط وانت اللى صح ...هو انت هاتفهم اكتر من دول .......
قلتله بلاش عبط همه بيفهموا اصلا ....هاثبتلك ان الناس دى فشنك وتفكيرهم عقيم
قالى لما نشوف ياينشتين .......
كنا ماشيين فى امان الله لحد ماصاح احدهم باسم صديقى كان المنادى يقف داخل بيت يقف فى شباك صغير
جاته واحده واعطاها رغيف كبير وملفوف....قالى صديقى تعالى تعالى انت ربنا بيحبك والشيخ راضى عنك تعالى .....فين ومين دا امسك بزراعى ووقفنا تحت الشباك ...قال الرجل لصديقى لحظه
ايه دا ؟ قلتله ....قالى اهدى بس .........جاء الاخ الذى طل من الشباك ومعه قطعتين لحم من الحجم الكبير
وقال لصديقى بالهنا نفحه من الشيخ ............اخذ صديقى القطعتين واعطانى احداهم ( بينى وبينكم كنت جوعان وعصافي بطنى وقفت عن التصفير لانها جوعانه هى الاخرى)اخذت قطعه اللحم الكبيره وانتحينا جانبا وجلس كل منا ياكل
اكلت قضمه اثنان وتوقفت اسال نفسى؟ نعم انا جوعان بس دا حرام ولا حلال الاكل دا؟ ومن اين؟
واسئله بدات تدور فى راسى وصديقى يلتهم الاكل التهاما ......ورحت فى حديث مع النفس الى ان سمعت صديقى يقول ......امشى ياله من هنا روح ياض.......كان ينهر ابن الشيخ سعيد الصغير جاء ليخطف اللحم منه ..........ههههههه ضحكت وقلتله تعالى يامحمد خد وقطعت قطعه واعطيتها ايها الا ان صديقى قالى دا واكل نص خروف وجاى يهزر ...قال محمد شكرا استاذ احمد نا عايز منه هو ...تركتهم يتكلمون ورحت انهش فى قطعه اللحم نهشا نظرا لجوعى الشديد
ظلوا يتكلمون الى ان ىهب صديقى وقال لى قول للواد دا يمشى من هنا
هممت ان اقول لمحمد امشى علشن الصداع الا انى سمعت صوتا حنونا دافئا يقول
انت ماتتكلمش خالص انت تاكل بس عارف يعنى ايه تاكل ....كانت واحده ست فى عقدها الثالث تجلس بجوارى لم الحظها ولا اعلم اهى تجلس قبلى ام انا جالس قبلها لا اعلم ولكنى رايت حسنها وبياض وجهها
والاغرب كميه الذهب التى تلبسه مبالغ فيها خالص ...قالت كل عايزا اشوفك وانت بتاكل شكلك لذيذ خالص
سيبهم يتخانقوا انت فاضيلهم .......كنت انظر اليه واستمع دون ان انبت ببنت شفه الا ان قالت انت بطلت تاكل ليه ؟ قلتلها تفضلى ..قالتلى لالا انا للاسف ماباكل اللحمه وعلى فكره شكلك حلو قوى وانت بتاكل
....قلت ايه المجنونه دى؟ اول مره سمع ن فيه واحد شكله حلو وهو بياكل ....
نتهيت من الاكل ومن كلام الغزل اللى سمعته من الست اللى مابتاكل اللحمه ...وصديقى يغمزنى ان اجاريها فى الكلام .....هى الست حلوه ولا ادرى ان كانت متزوجه ام لا .....ولكن فى تلك اللحظه لم افكر فى شى الا الهدف اللى انا جايله وهو ان اصل للشيخ ......ذهبنا لنغتسل وهنا قال لى صديقى هذا المسجد الذى يتعبد فيه الشيخ شوف كله اخضر فى اخضر فعلا كل شى اخضر الحائط والسجاد والسقف والساعه كل شى والموكيت .....والسلم دا بيطلع للدور التانى اللى بيقعد فيه الشيخ ويستقبل كبار الزوار
وهنا وعلى حوض الغسيل كانت تقف امراءه اخرى كانت عيونها تدور فى رحى مقلتيها ( شفت عبله كامل ) زيها كدا لما بتكون خجلانه جاءت الست للى مابتاكل اللحم وقالتلها هدى انتى فين قالتلها اسكوتتتتتىىىىىى ...الله فى ايه؟ ..قالتلها قابلته ...مين ؟ الشيخ ....والله العظيم
يوة قابلته ....سلمت عليه ....(اخذت تقبل فى يديها اليمنى ) والاغرب ان اخذت صديقتنا يدها واخذت تقبلها هى الاخرى
كل هذا والست اللى على السلم التى تشبه عبله كامل وكانها فى ملكوت اخر
قالت انا عمرى ماصدقت انى المس ايده و اسلم عليه
قالتلها دعالك قالت ايوة ايوة انا حسه انى دلوقتى احسن احسن بكتييييييييييييييييير.....
اشاهد الموقف وانا وصديقى نغسل يدينا وكانى ارى فيلما سينمائيا ...مش مصدق
سيبنا الناس دى وذهبنا الى خلف الخيمه لنجد الممثلين منتظرين ادوراهم على المسرح
تسللت ودخلت الخيمه ورايت من الحراس والجنود الكثير ايضا
كنت البس بنطالا اسود وقميص ابيض بنص كم كل اللى يشوفنى يفتكرنى من احد الفرق المسرحيه الموجودين .......ورفعت احدى قطع الخيمه من خلف الكواليس لارى المسرح والصف الامامى الذى يجلس فيه الشيخ ....رايت وزراء وفنانيين كبار ...ومدير الامن جالس تحت قدمى الشيخ هو ومستشار كبير
واحد الوزراء يمسك بيد الشيخ ويقبلها ......وضعت يدى على عينى كى استفيق واذ بيد تمسكنى من كتفى
وقالى ايه اللى جابك هنا هاتوة.....................................وهنا ذهب عقلى ....ولنا بقيه ان كان فى العمر بقيه

احمد والله عذبتنا كل مانتحمس تقطع القصة


انتظر بفاااااااااااااااارغ الصبر

المشكله فى ظروف عملى وكم الوقائع اللى فى الموضوع ...بجد انا ممنون جدا لكل واحد متابع او مشاهد للموضوع ...انتوا عارفين لتجربه الصوفيه بتمثلى ايه؟ بتمثلى خيط رفيع جدا بين اعلى مراتب الروحانيات وجنون الماده والكفر وليعاذ بالله ....اسف للاطاله

هوى قلبى بين قدمى فى هذه اللحظه اتدرون لماذا؟.........من راى منكم كم العسكر والجنود
الموجودون فى الخيمه وخارجها يؤمنون الشيخ ومريديه من وزراء وكبار الزوار سوف ينخلع القلب من اقل شى .........بتعمل ايه هنا ؟ سالنى احد هم وهو يلبس زى مدنى قلتله لا شى عايز اشوف عمى الشيخ واتبرك برؤيته ...قالى مين شيخك؟ قلتله الشيخ صالح ......ههههههههه ضحك هو ومن معه وقال عمنا الشيخ مره واحده ليه هو انت من اين ؟ و اسمك ايه الاول ؟ قلتله على اسمى ومن اين بالتحديد
قالى مين شيخك أنطق ولا انت من الجماعه اياهم ؟ قلتله لالالالالا انا مش مع حد انا معاكم
قالى طيب مين شيخك؟ ( قلت ايه السؤال دا أنا كدا فى مطب وقعت ولا حد سمى عليا) ( قلت اخترع اى كلام) قلتله انا الشيخ بتاعى هو الشيخ السيد ابو على ابو انتوس بتاع الجزيره( لا يوجد على البسيطه اسم بهذا الشكل هذا السيد ابو على شخصيه من خيال حد جيرانى فى المنزل يقص علينا قصصه ونوادره )
قالى مين ...اعدت الاسم قلى طيب هانشوف ...وارسل فى طلب اسماء شيوخ الشرقيه ....قلت خلاص ضعت ............طلعت الموبايل وكلمت والدى انه يرد ابدا ارن ولا مجيب والدى فى ملكوت تانى
والدى فى الحفله داخل وانا مزنوق فى علبه كبريت .......واخيرا لمحت العميد احمد قريبنا ومن بلدتنا وكأن الحياه دبت فى اوصالى ياسياده العميد ياخال ياخاااااااااااااااااااااال لمحنى وجاء الى مهرولا فيه ايه؟ قلتله الجماعه دول قبضين عليا ومش عارف عملت ايه؟ .....قال احدهم شفناه بيتسلل داخل الخيمه سالناه عن شيخه وعمه لم يجاوبنا وقالنا الشيخ صالح وفى الاخر لما ضغطنا عليه قلنا ؟ وتردد فى الاسم انت قلت مين؟
قلتله الشيخ يحيى (اى كلام ) ضحك العميد وقاله سيبه اصله لسه جديد ومش عارف شى فى الطريقه ....
خد رقم موبايلى ولو فيه شى اتصل عليا ...قاله تمام يافندم ....وتركنا وذهب .
وبعد اللى حصل قدر لى ان الف وادور فى اركان الخيمه دون ان يعترضنى احد ولا يسالنى احد .....
وكانت نعمه ونقمه ..نعمه ان تتجول فى صفوفهم بحريه كامله دون اعتراض ونقمه ن ترى مارايت
عمن الشيخ له ابن اخ عمره 7 سنوات فى ذلك الوقت رجله لاتلمس الارض ابدا طول الوقت محمول على عنق او يد احدهم اتدرون من يحمله ويطوف به فى اركان الخيمه والمكان لواء شرطه يحمل ( اشرف) اسم ابن اخ الشيخ ويطوف به الخيمه ومن يقابله يقبل يده وقدمه فنان وزير لاعب كره واحد عادى كل من يقابل اشرف يقبل يده وقدمه ( مسكين ذلك الطفل فى عمر الزهور مجنى عليه لا يلعب كالاطفل ولا يلهو مثلهم طول الوقت محمول وكانه شى نادر او عزيز) سالت احد الجلوس وهو يبكى بعد ن قبل الكريمتين رجل وقدم شرف .....مين دا قالى ابن اخو الشيخ وهو الخليفه ....قلتله ليه؟ مش اولى بالموضوع دا ابنائه
همس فى اذنى واكنه سر خطير قالى لشيخ مش متزوج ااصله مالوش فى الحريم ............وهنا انعقد لسانى عن الكلام كيف ياتى الناس هنا ليطلبوا الدوء من شيخ مريض لااعلم............................................ .
وقفت مره اخرى فى الكواليس وسمعت منى عبد الغنى وحنان شوقى واحمد ماهر ومى ومحى الدين عبد المحسن واشررف عبد الغفور وخالد على كلهم ممثلين ومطربين وهم يقفزن جنبا الى جنب ويتلون ما هو فى ايديهم ولناخذ مثال عما قالوا لانى لست متذكر الكلام بالكمل لتعقيداته وكثرته فى حين ان الجملتين اللتان ساكتبهما يكفيان واسمحولى سانهى بهما حلقه اليوم نظرا لانعقاد اللسان انت الامن انت الامن ......سيدى ننام بالليل بفضل قدرتك على حمايتنا من اهوائنا وانفسنا ....عمنا لك القدره على الشفاء اعطنا الدواء ....
سيدى وعمى يوم ميلادك على الارض ضياء وعيد فى السماء) ....................................وتقبلوا تحياتى
(