إن كنت من عشاق البرمجة وتريد أن تنضم لقائمة المفكرين والمبدعين "تفضل هنا "

**المشاكس2010** · 20-03-2008

السلام عليكم ورحمة الله وبركاته

إزيكم عاملين ايه ؟ وأخباركم ؟ يا اعضائنا الحلوين الكويسين المقطقطين ؟

النهاردة إن شاء الله هنبدأ فى رحلة المليون ..

وكلنا نعرف إن رحلة المليون بتبدأ بخطوة ..

والخطوة ديه هنبدأها إن شاء الله من النهاردة .. الخميس الساعة 10 مساءاً .. يوم 20 مارس 2008

إن شاء الله هعمل كورسات برمجة فى لغة السى شارب ... وإن شاء الله كلنا نبدأ مع بعض من البداية إلى أن نصل للإحتراف ... وبما إنى مبتدىء فهتلاقوا أسلوب الشرح أو الكتابة هيكون مناسب جداً لدماغ اى حد ما يعرفش اى شىء فى شىء ...

هو الموضوع محتاج توكل على الله و صبر ومجهود وتحديد هدف وعدم الكلل أو الملل أو الزهق لأنه بالفعل مجال جميل جداً وشيق وممتع ومثير .. وغير كده بيوسع مدارك أى شخص .. وبيبقى فيه متعة خاصة لما تواجه مشكلة وتعرف تحلها وتستخرج برنامج فى النهاية ...

وإن شاء الله إحتمال أنقل دروس مع كتابة البعض مع التعليق على البعض .. المهم إنى أنا واستاذنا النهر هنكون معاكم إن شاء الله عند وجود أى تساؤل يخص الشرح أو أى شىء مش مفهوم .. وإن شاء الله هسيب وقت طويل عشان الناس تقدر تستوعب الجزء اللى خدناه وهيكون فيه نظام واجب ودرجات وتاسكات (Tasks) إن شاء الله والموضوع هيبقى مثير وفيه تحدى كبير ...

اللى مطلوب منك جهازك يكون راماته ما تقلش عن 512 عشان تبقى شغال مرتاح على البرنامج المطلوب .. وكما البروسيسور فوق 1.6 أو أكثر عشان يبقى الأداء حلو ... ومساحة فاضية فى المنطقة اللى هتعمل Setup للبرنامج مش تقل عن 3 جيجا وانا عن نفسى عاملها 10 جيجا عشان ابقى شغال مستريح ...

البرنامج المطلوب : Visual Studio.Net 2005

البرنامج مساحته على ما أعتقد فى حدود 2 او 3 جيجا من غير الMSDN

المهم إن مساحته كبيرة وأرجو من الأخ النهر إنزال رابط تحميل البرنامج هنا حتى من لم يملكه يقوم بتحميله ... وأيضاً وضح شرح كل ما يتعلق بتسطيب البرنامج وتجهيزه لحد بدء العمل بيه ..

وأنصح بالبحث عن البرنامج عند صديق او شرائه لأن مساحته كبيرة وهذا سيوفر الكثير ...

وإن شاء الله الموضوع هيمشى على شكل كورسات ودروس ... والكورس اللى هنزله إن شاء الله ده تكلفته الإجمالية مش أقل من 25000 جنيه فى مصر والله اعلم بتكلفته فى الدول الأخرى ... عشان كده لازم يكون الإهتمام كبير بالموضوع ده لو حد دخل فيه لأنه بالفعل مثير وشيق وجميل ولكنه فى نفس الوقت ممكن أن يصيب بالملل والصعوبة فى بعض الأحيان .. ولكنه فى النهاية مثير وجميل جدا .. وهذا سيكون بداية دخولك لعالم البرمجة إن شاء الله من أوسع أبوابها

اللى مستعد بقى يسجل إسمه معانا هنا وأول ما ينزل البرنامج المطلوب إن شاء الله ويسطبه ييجى ويقول هنا برده عشان الكورسات ديه بمشيئة الله تعالى هبدأ بإنزالها كل اسبوع إبتداءاً من الشهر القادم بإذن الله على هيئة دروس وأى سؤال أنا بالخدمة

وفى النهاية هذا عمل إبتغاء مرضاة الله .. وأتمنى أن يستفيد منه أكبر عدد من أخواننا فى المنتدى ومن الخارج أيضاً ... ومن يستطيع المساعدة بأى شىء فى الموضوع فليساعد .. فالعلم لا يحجب .. ولابد ان يستفاد منه اكبر عدد ممكن حتى لا يكون شاهد عليك يوم القيامة بدلا من ان يكون شاهد لك .. فيكفينا الدعاء .. اللهم سدد خطانا فى هذا العمل وتقبله عملاً خالصاً لوجهك الكريم

أى إستفسار أنا موجود وفى الخدمة

أخوكم المشاكس

**المشاكس2010** · 20-03-2008

وبصحيح ..

إن شاء الله إحنا هنشتغل على برنامج #C (سى شارب ) فى بيئة الفيجوال ستديو دوت نت .. عشان كده مش مطالبين بتسطيب كل الحزمة اللى موجودة فى الدوت نت .. ونكتفى فقط بالسى شارب

وشكراً

**الأمل** · 21-03-2008

وعليكم السلام ورحمة الله
يعطيك العافية اخوي
انا تعلمت فيجول بيسك,java,c,اسمبلي,ns2
بالاضافة Htmlوjsp
واذا في امكانية ووقت ممكن التحق بركبكم

**المشاكس2010** · 21-03-2008

اقتباس

المشاركة الأصلية كتبت بواسطة الأمل

وعليكم السلام ورحمة الله
يعطيك العافية اخوي
انا تعلمت فيجول بيسك,java,c,اسمبلي,ns2
بالاضافة Htmlوjsp
واذا في امكانية ووقت ممكن التحق بركبكم

أهلا بأختنا الغالية الأمل ...

ما شاء الله عليكى .. بالفعل لغات البرمجة مهما إتعلمنا فيها .. نلاقى نفسنا عايزين نتعلم أكتر .. وكويسة أوى اللغات اللى معاكى ديه ... والسى شارب على فكرة هتدعم كل دول لأنها بها كل شىء جاهز .. وأسهل فى التعامل من الكثير من اللغات التى سبقتها .. وفعلا لغة السى شارب طفرة فى عالم البرمجة وأكثر إثارة ومتعة لمن يتعلمها ...

إن شاء الله تكونى معانا عندما نبدأ ... وإن شاء الله تستفيدى ويستفيد الجميع ...

بصحيح لو عندك أى دروس مبسطة فى Assembelly يبقى كتر خيرك لو حطتيها هنا .. لأنها شيقة أيضاً وممتعة .. لأن الواحد عايز يعرف البروسيسور والكمبيوتر من جوة بيفهم إزاى اللغات اللى بنكتبها ديه ... بس ياريت لو كانت مبسطة لأن كان معايا كتاب فيها عقدنى .. فأجلته إلى ما بعد السى شارب إن شاء الله

وأهلا بكِ أختى الأمل ..

وشاكر لكِ مرورك وتعليقك

أخوكِ المشاكس

**نـادر** · 21-03-2008

مرحبا بالسيد المشاكس

فكرة طيب من شخص طيب

وسأحاول أن أكون معكم بإذن الله تعالي

وهذا هو رابط فيجوال ستوديو 2008 وهو نفسه تقريبا 2005

http://www.alwaha.com/vb/t43780.html

ودي نسخ تانية ل 2005

Downloads

Download details: Visual Studio 2005 Professional Edition 90-Day Trial

http://www.microsoft.com/downloads/d...displaylang=en

**المشاكس2010** · 25-03-2008

اقتباس

المشاركة الأصلية كتبت بواسطة النهر

مرحبا بالسيد المشاكس

فكرة طيب من شخص طيب

وسأحاول أن أكون معكم بإذن الله تعالي

وهذا هو رابط فيجوال ستوديو 2008 وهو نفسه تقريبا 2005

http://www.alwaha.com/vb/t43780.html

ودي نسخ تانية ل 2005

Downloads

Download details: Visual Studio 2005 Professional Edition 90-Day Trial

Download details: Visual Studio 2005 Team Suite 180-Day Trial

أهلا بمهندسنا الغالى ..

والف شكر على المرور

والروابط الخاصة بالبرنامج

وإن شاء الله نستفيد من خبراتك ..

وأهلا بيك معانا يا معلم ..

ويلا عايزين نشوف اللى هيحجزوا عشان نبدأ على بركة الله على مطلع الشهر القادم ( شهر 5 وليس 4 )

واهلا بيك يا نادر .. نورتينا والله

أخوك المشاكس

**المشاكس2010** · 11-04-2008

السلام عليكم ورحمة الله وبركاته

عدنا مرة أخرى ...

ما شوفتش حد حجز ولا حد نزل البرنامج يعنى

يلا احنا نعمل الموضوع ده انا وانت يا نادر ونسيبه للذكرى

أكيد هييجى ناس بعد كده وهتحتاجه إن شاء الله ...

إلى أن أبدأ فى تنزيل الشروحات لضيق الوقت .. سأعطى من يريد موقع جميل جدا لتعليم الSQL والذى لابد من تعلمه لان برمجة أى برنامج تحتاج إلى قواعد بيانات .. ولذلك سيكون الـSQL مرتبط معنا فى التعليم مع السى شارب إن شاء الله

SQL Tutorial

الموقع ده فيه شرح وكمان فيه تجرب الأكواد بنفسك ببرنامج ديمو موضوع على الموقع .. يعنى مش محتاج إلا بس القراءة ... وهو باللغة الإنجليزية طبعاً لأن الـMOC من مايكروسوفت إنجلش ... وهو مطابق ليه ... وده من أفضل المواقع لتعليم الـSQL ...

اللى عايز يذاكر فيه ويتسلى فيه عقبال ما ارجع أهلا وسهلا ... واللى عنده أى اسئلة فى السيكوال برده أهلا وسهلاً ...

وأهلا بالجميع ..

أخوكم المشاكس


[ استرجاع كلمة المرور ] [ طلب كود تفعيل العضوية ] [ تفعيل العضوية ]

يتصفح الموضوع حالياً : 1 (0 عضو و 1 ضيف)

أدوات الموضوع
مشاهدة صفحة طباعة الموضوع أرسل هذا الموضوع إلى صديق