فيجوال ستوديو 2008

**نـادر** · 25-01-2008

أطلقت ميكروسوفت أحدث منصة تطوير برمجي فيجوال ستوديو 2008 التي تشمل اصدارا حديثا وصفته بأنه أقوي منصة تطوير علي وجه الأرض

ويحتوي كما هو معروف علي

visual basic 2008

visual c# 2008

visual web developper 2008

visual c++ 2008

وغيرها بالإضافة الي امكانيا أجمل وأقوي من الإصدارات السابقة

ولكي تستطيع التعامل مع هذه الحزمة لابد أن يكون جهازك بالقدرات ألأتية

Computer with a 1.6 GHz or faster processor

384 MB of RAM or more (768 MB of RAM or more for Windows Vista)

2.2 GB of available hard-disk space

5400 RPM hard drive

1024 x 768 or higher-resolution display

DVD-ROM Drive

Additional features may require Internet access. Fees may apply.

نسخة visual studio express

حجمها 849.65 MB

نسخة visual studio prof

حجمها 3389.6 MB وهي تجريبية لمدة 90 يوم

بس خلاص

**HaMoDe.SyRiA** · 25-01-2008

مشكور يا غالي مبدع دائمان الله يعطيك العافي

**نـادر** · 29-01-2008

اقتباس

المشاركة الأصلية كتبت بواسطة HaMoDe.SyRiA

مشكور يا غالي مبدع دائمان الله يعطيك العافي

مرحبا أخي الغالي

لا عدمت مرورك

**المشاكس2010** · 30-01-2008

السلام عليكم ورحمة الله وبركاته

ألف شكر يا نادر باشا

حالياً أنا بحمل النسخة الأكسبريس لان البروفيشنال هتقعد معايا حوالى خمس ايام زى ما حسبتها

الاكسبريس واخدة معايا حوالى 31 ساعة ... هانت الحمد لله فاضل دلوقتى 25 ساعة بس ... يعنى بكرة زى دلوقتى تكون نزلت < يارب بس النت ما يفصلش خخخخخ

بس انت عارف أنى جديد فى المجال ده عشان كده عايز اسألك سؤال ..

ايه الفرق بين النسخة الاكسبريس والبروفيشينال ... وهل الأكسبريس ديه هيبقى فيها msdn الهيلبر ولا الفرق بين الاتنين ان الـ msdn موجود فى البروفيشنال ومش موجود فى الاكسبريس ؟

والله نفسى أعرف الفرق ده من ساعة ما نزلت البرنامج وسطبته نسخة 2005 < عقلية فاذة

مشكور ياغالى ...

وإن شاء الله قريبا أنزل موضوع هنا فيه شرح لبعض الـ concepts فى الموضوع ده واللى أنا فاهمه من وجهة نظرى يعنى ..

تقبل وافر إحترامى وتقديرى

أخوك المشاكس

**نـادر** · 30-01-2008

اقتباس

ايه الفرق بين النسخة الاكسبريس والبروفيشينال ... وهل الأكسبريس ديه هيبقى فيها msdn الهيلبر ولا الفرق بين الاتنين ان الـ msdn موجود فى البروفيشنال ومش موجود فى الاكسبريس ؟

والله نفسى أعرف الفرق ده من ساعة ما نزلت البرنامج وسطبته نسخة 2005 < عقلية فاذة

شوف يا عقلية يا فاذة مع اني شرحتلك الفرق علي الماسنجر بس نعيدو تاني اسكنراني

النسخة الإكسبريس نسخة تعليمية لمن يريد أن يتعلم اللغة بدون أن يشتريها يعني لو انت عاوز تتعلم وتجرب كل الأكواد اللي انت أخذتها من كتاب أو دورة دي هاتنفعك

طبعا مش هاتلاقي فيها بعض الميزات المهمة جدا للمحترفين زي برمجة قواعد البيانات
وبرمجة أجهزة الموبايل
وكمان مفيش البرمجة الخاصة بالأوفيس

بس كل ده مش هاتعوزه لغاية ما تخلص تعليم اللغة

وطبعا فيها هلب خاص بيها

كمان نسخة 2008 بروفيشنال نسخة موقوتة لمدة 3 شهور بالرغم طبعا من كونها كاملة اما اكسبريس فهي مجانية ولن تحتاج تفعيلها

اما الفرق بين 2005 اكسبريس و 2088 اكسبريس فهو الأتي
ان 2008 حزمة واحدة فيها فيجوال بيسك وفيجوال سي وفيجوال ويب ديفيلوبر وفيجوال سي بلس بلس وانت تختار اللي عاوز تنزله منها ومساحتها 900 ميجا تقريبا

اما نسخة 2005 اكسبريس فكل برنامج له حزمة خاصة بيه
يعني هاتلاقي علي موقع مايكرو سوفت نسخة فيجوال سي لوحدها ونسخة فيجوال بيسك لوحدها ونسخة فيجوال جافا لوحدها وهكذا وكل حزمة مساحتها تقريبا 450 ميجا

انا انصحك طبعا ب 2008 لأنك مش هاتلاقي فروق كبيرة زائد انها اصبحت ذكية جدا في كتابة الأكواد يعني لو كتبت مثلا مثلا حرف m يبدأ من نفسه يكتب الأكواد اللي فيها حرف m زي تصفح الأسماء في الموبايل فاهم ياض

نصيحتي الخاصة بعد تجربة

نزل نسخة 2008 برفيشنال بالرغم من كونها بتقعد تلات شهور بس

عارف ليه

لأننا احنا المصريين ما بيقعدش اصلا الويندوز عندنا شهر علي بعضه من كتر الإختراعات اللي بنعملها فيه وبالتاالي انت كد كده هاتبدل الويندوز قبل مدة الثلاث شهور

انا الويندوز احيانا مش بيقعد معايا اسبوع

طيب وربنا انا احيانا بيسقط عندي في اليوم اكتر من مرة

طبعا ده هاتلاحظه كتير لما تشتغل في البرمجة لأنك أحيانا بتستخدم مكتبات وهاتلعب في خصائص ممكن تدمرلك ملفات النظام وخصوصا لاو تطرقت لبرمجة تدعي ببرمجة API وربنا يبعدها عنك لغاية ماتتعلم عشان دي بتاعة فيروسات وبلاوي زرقاء

ودمتم

مسوي النهر أفندي


[ استرجاع كلمة المرور ] [ طلب كود تفعيل العضوية ] [ تفعيل العضوية ]

يتصفح الموضوع حالياً : 1 (0 عضو و 1 ضيف)

أدوات الموضوع
مشاهدة صفحة طباعة الموضوع أرسل هذا الموضوع إلى صديق