مع المشاكس فى العيد أكيد فيه جديد

**المشاكس2010** · 13-10-2007

السلام عليكم ورحمة الله وبركاته

اهلا وسهلا بالشعب الواحى الكريم ,,,

كل سنة وانتوا طيبين ياناس وعيد سعيد على الجميع ان شاء الله

ومش تنسوا اخوكم الغلبان فى كوباية شاى وطبق كحك بقى عشان اخوكم مش ينساكم هو كمان فى العيدية

ندخل فى الموضوع دوغرى بقى

طبعا المنافسة فى شهر رمضان الكريم كان على أوجها فى موضوع ( مع المشاكس فى رمضان ألغاز أخر تمام ) وكان أبطال هذه الجولة الاختين بغدادية وجلنار

وكانت أخر النتائج كالتالى :-

بغ بغ (57 نقطة )
جلنار (52 نقطة )
دنيا الحب ( 25 نقطة )
ريموندا (23 نقطة )
هتلر ( 21 نقطة )
سارة ( 20 نقطة )
صدفـــــة ( 19 نقطة )
الياسمين ( 13 نقطة )
تـــــــام ( 12 نقطة )
سمر الليل (12 نقطة )
الأمل ( 8 نقطة )
أمة الله ( 4 نقطة )
رجل المستحيل ( 2 نقطة )

وبكده تكون المرحلة الأولى انتهت وندخل بقى على تانى مرحلة واللى هى احنا فيها دلوقتى

واحنا عارفين ان رمضان 30 يوم والعيد 3 ايام

يبقى كده السؤال اللى هيتم اجابته فى العيد هيبقى ب 10 نقاط مش ب 1 واحدة >>> اى خدمة العيدية وصلتكوا كده اهو كلت عليهم العيدية لووووول

يعنى لو اربعة جاوبوا مثلا يبقى النقاط كالتالى :-

المركز الأول : 13 نقطة
المركز الثانى : 12 نقطة
المركز الثالث : 11 نقطة
المركز الرابع : 10 نقاط

وعشان انا مسافر اليومين الجايين دول مصيف وهاعيد هناك >>> عقبال عندكم

فهنزل ثلاث ألغاز دفعة واحدة فى الموضوع هنا ولما أرجع ان شاء الله هعلن النتائج ولو ربنا قدرنى وعرفت اسيب البحر والسمك والحاجات ديه هرجع انزل ألغاز تانية ان شاء الله

ونيجى بعد العيد والمرحلة الأخيرة ان شاء الله

وهنزل الجزء الثالث : ( مع المشاكس بعد العيد ... المنتدى كله هيشيل حديد ) جزء مشكلة انتظروا الجزء الثالث بمفاجائاته ان شاء الله

وكل سنة وانتوا طيبين ومتعشيين وواكلين وفاطرين ولاعبين وجايين بصحة ونشاط على الألغاز

وألف مبروك للنادى الاهلى تأهله للمباراة النهائية لكأس افريقيا ومقابلة النجم الساحلى التونسى يوم 27 ان شاء الله >>> ايه اللى جاب الكورة هنا < سؤال فى محله فعلا : والاجابة دعاية واعلان

وعيد سعيد عليكم يارب

وربنا يحقق امانى الجميع

اخوكم المشاكس

**المشاكس2010** · 13-10-2007

وقبل ما انزل الألغاز الجديدة اللى عايزة يستفهم عن حاجة هيلاقى اخر تعليقين فى الموضوع التانى ( مع المشاكس فى رمضان ألغاز اخر تمام ) كل استفسار هو عايزه من تعليقى على هدى وصدفة عشان انا مش هبقى موجود فلازم تكونوا فهمتوها ارجوكم مش عايزين العيد يفوت من غير ما تكون المرحلة التانية خلصت لوووول

وبصحيح الاجابة هتكون على الثلاث أسئلة

وان شاء الله لما اعود همسك كل سؤال واحسب أول واحد جاوبه واللى بعده واللى بعده وهكذا وبعدين انتقل على السؤال الثانى واشوف اللى جاوبه صح واللى بعده واللى بعده وهكذا

يارب تكون المعلومات وصلت

يلا ليتسسسسسسسس جووووووووووووووووووووو

وبيب بيب اهلى بيب بيب بيب اهلى

**المشاكس2010** · 13-10-2007

والآن مع الألغاز عارف انكم زهقتوا من القوانين والكلام وعايزين تدخلوا فى المفيد عدل >>> بس ده اسلوب التشويق بقى اللى انا بتبعه على طول

اللغز الأول

مسافر صغير , وفعله كبير , إذا شرب جرعة جرى ألف ميل , يخلع قبعته قبل المسير , ويلبسها عندما يستريح ؟

لغز ولا أسهل اهو

*********************************************

اللغز الثانى

يأخذونى دائماً حكماً , مع أننى أقلب كل شىء , فأنا أضع البخيل قبل الكريم , والجبان قبل الشجاع , والخادم قبل السيد ؟

اسهل من اللى قبله

*******************************************

اللغز الثالث

واحد جاء من سفر لا من بر ولا من بحر... يجلس على ركبتين لا من طين ولا من حجر ... يشرب من جرتين لا من ماء ولا من عسل من هــــــــــــو ؟

اجيبلكوا واحد من حذانة يحل اللغز ده ولا ايه

*******************************************

يلا عايزين نشوف مين هو سعيد او سعيدة الحظ اللى هتدخل او هيدخل اول واحد

بيب بيب اهلى بيب بيب بيب اهلى

**جلنار** · 13-10-2007

اولا تروح وترجع بالسلامه مع اني بقولها غصبن عني لكن يلا معلش مش خساره بردو
وبعدين انت فلقتنا باعلاناتك عن الاهلي انت بتجيب سرتهم نكاية في ناس انا عارفاك تموت وتغيظ العالم الي حاواليك................

اللغز الأول

مسافر صغير , وفعله كبير , إذا شرب جرعة جرى ألف ميل , يخلع قبعته قبل المسير , ويلبسها عندما يستريح ؟

لغز ولا أسهل اهو
قلم الحبر
اللغز الثانى

يأخذونى دائماً حكماً , مع أننى أقلب كل شىء , فأنا أضع البخيل قبل الكريم , والجبان قبل الشجاع , والخادم قبل السيد ؟

معرفتوش او يمكن الميزان او القاضي او اي دهيه المهم اني معرفتوش

اسهل من اللى قبله
معرفتوش

اللغز الثالث

واحد جاء من سفر لا من بر ولا من بحر... يجلس على ركبتين لا من طين ولا من حجر ... يشرب من جرتين لا من ماء ولا من عسل من هــــــــــــو ؟

الطفل الرضيع حديث الولاده ومش شرط حديث الولاده يمكن بقالو اسبوع او شهر المهم طفل وخلاص

اجيبلكوا واحد من حذانة يحل اللغز ده ولا ايه
منين ياخويا انت بتجيب الاقوام دي منين كتك ولا بلاش النهارده عيد

**المشاكس2010** · 13-10-2007

ههههههههههههههههههههههههههههههههههههههههههه

ولكم ولكم بالحاجة جلنار

فكرى فى اللى مش عارفاه وراجعى اللى حلتيه عشان الفرصة دلوقتى مش هتتعوض تانى اللغز بعشر ألغاز من اللى فاتوا لوووووول واهى بغدادية كمان مش موجودة

يلا عايزين نشوف منافسة شديدة يعنى

ودنيا كلها شوية وتيجى وبعدها سمر والامل وهتلر وصدفة وهدى وتام وهتبقى هيصة

يلا النتائج هتتعلن لما الناس الاول تشوف الموضوع وتجاوب عشان يبقى فيه عدالة فى التوزيع

**جلنار** · 13-10-2007

ال عداله ال
يبني متجبش سيرة ناس متعرفهاش اصلا
يبني معرفتوش بس غششني اول حرف وانا هكمل معنديش مانع........

**المشاكس2010** · 13-10-2007

يابنت اعصرى دماغك شوية دول عشر نقط كاملين لووووووووووووول

يلا اسيبك واروح افطر عقبال ما تكونى فكرتى وعصرتى دماغك

واحتمال انزل اول حرف قبل ما اسافر ان شاء الله

**جلنار** · 13-10-2007

ممكن يكون الكتاب الي بيكتبو في الاسماء بالابجديه زي دفتر العلامات الي كان عند مدرساتنا زمان
وممكن الفايل الي يحتوي على الاسماء بالابجد يه ممكن يامج مج
دنت شتت مخي على متفطر اكون انا اتشليت منك لله...........

**المشاكس2010** · 13-10-2007

اقتباس

المشاركة الأصلية كتبت بواسطة جلنار


	ممكن يكون الكتاب الي بيكتبو في الاسماء بالابجديه زي دفتر العلامات الي كان عند مدرساتنا زمان وممكن الفايل الي يحتوي على الاسماء بالابجد يه ممكن يامج مج دنت شتت مخي على متفطر اكون انا اتشليت منك لله...........

هههههههههههههههههههههههههههههههههه

على فكرة قربتى جدا

وشم كنتى زمان عمالة تقولى انت بتجيب اسئلة سهلة ليه ومش عارف ايه ... ودلوقتى جاية تشتكى من صعوبة سؤال هسل اصلا لوووووول وانتى حلتيه على فكرة فى تعليقك بس هاشوف هتجيبى الكلمة الصحيحة ولا لا وهو ايه الاسم بتاعه اللى انتى شرحجتيه فى تعليقك لانه هو الحل

وبيب بيب اهلى بيب بيب بيب اهلى

**جلنار** · 13-10-2007

يبقى ممكن حله جدول الحروف العربيه الابجديه ممكن يعني.............

**المشاكس2010** · 13-10-2007

يابنتى ما تقولى اسمه بقى انتى خلاص عمالة تلفى حواليه وتقوله موصفاته ما تقولى اسمه بسرعة عشان تكوشى على 30 نقطة على الاقل

يلا بسرعة عشان فاضلى ساعة وماشى

**جلنار** · 13-10-2007

يكونش القاموس زي القاموس المحيط والوجيز ولي زيو يعني
هرتني ربنا يخدك ويو ديك عند اهلك بالسلامه يارب..............


[ استرجاع كلمة المرور ] [ طلب كود تفعيل العضوية ] [ تفعيل العضوية ]

13-10-2007	رقم المشاركة : 13 (permalink)
المشاكس2010 أبــ»ô«ــــن مصـــ»ô«ـــر