الحفيد يجلس أمام شاشة التلفزيون منتظرا نشرة الأخبار ..........
وتدخل الموسيقى التصويرية للنشرة المعهودة و التى لم تتغير منذ قرن من الزمان...ثم يأتى نفس المذيع بنفس الوجة الكئيب و الظهر المعتدل و التنشى الواضح فى شخصيتة
و يقول بصوت بهائمى كعادتهم دايما عشان يخوفونا حاكم هى الاخبار ناقصة صوت تخين هى بترعب لوحدها
و يقول.......
واااااااااااد يا ماجد ....انت يا وااااااااااد
دة مش هو اللى بيقول دى جدة ماجد بتنادية بس...
يرد ماجد فىضيق
ايوة يا جدتى عايزة ايه
يا واد هى النشرة جت ولا لسه
يردماجد و قد نفذ صبرة
ايوة يا جدتى جت اهى و مش سامع حاجة منك يخرب ب........
بتقول ايييييييييية يا وااااااااد ...حاجة ساقعة بيبسى انا بقولك النشرة يا اطرش مش بقولك حاجة ساقعة بيبسى
يصمت ماجد و هو على وشك الإنفجار فتأتى جدتة لتجلس إلى جوارة منصتة لنشرة الأخبار....
و بدأ المذيع بقراءة ما أمامة مناوراق معتاده
لقد قرر السيد رئيس الجمهورية تعديل 34 مادة من مواد الدستور و ......
حنطووووووور ... حنطور اية يا واد اللى عايز يعدله الريس يا واد هو فى اصلا حنطور فى البلد سليم دة كلهم عدمانين و خربانين و عايزين السحل من مكانهم مش التعديل بس
ينطق الشاب بصعوبة و هو على وشك ان يصاب بشلل دائم
الدستور...الدستووووووووور يا جدتى مش الحنطور....
اةةةةةةةةة الكستوووووور قول كدة بقى...اهو الكستور قماش عمرة ما يحتاج تعديل ابدا و موضتة عمرها ما تبطل
تجاهل الشاب كلماتها حتى لا يموت خنقا و تابع ما يقوله المذيع
وقد تضمنت التعديلات تعديل المادة 88 و تنص على تشكيل لجنة حكومية تسكى باللجنة العليا للإشراف على الإنتخابات و ذلك بدلا من الإشراف القضائى. على الإنتخابات علشان تبقى سلطه يعنى
صرخت الجدة قائلة
تزويراااااااااااات تزويرات اية يا واد اللى عايزين يعملولها لجنة تشرف عليها دى هى الناس حصل فى مخها ايه صحيح انا بقالى كتير ما تابعتش اللى بيحصل فى البلد بس مش لدرجة انهم يعينوا لجنة للإشراف على التزويرات يعنى.....
بدأ دخان يتصاعد من قفا الشاب المسكين الذى يجلس محاولا الاستماع الى النشرة حين قال المذيع
و أيضا تضمنت التعديلات تعديل المواد رقم 44,41,45,بالإضافة الى إصدار قانون الإرهاب .....
فعلق الشاب محادثا نفسة
يانهار اسود دة عايزين يعيشونا فى دولة بوليسية دستورية على كدة بقى
فأجابت الجدة قائلة
البامية بالتقلية انت هتقولى عليها ما انا عارفاها ياخويا و ياما طبختها لجدك و كان هياكل صوابعة العشرين وراها
ماجد
انتى حتقوليلى مهو اتخطف بدرى بدرى ومطولهاش معاكى عيشه
بش إية قانون الكباب دة يا واد اللى عايشين يطلعوة دة هو الكباب طلعولة قانون هو كمان ولا ايه
أكمل المذيع قائلا
و قد تضمنت التعديلات تعديل المادة رقم 5 بالدستور و التى تتضمن عزل الدين عن الحياة السياسية و تجريم اى عمل سياسى على أساس الدين
قمر الدييييييين ماله هو كمان بيحرموة لية بس امال احنا هنعمل البلح فى رمضان على ايه بس منهم لله البعدا هم عايزين منا ايه تانى....
رد عليها الشاب و قد تمالك أعصابه
قمر الدين ايه بس يا جدتى دول عايزينها دولة علمانية...
اية علمانية دى يا واد يعنى هيجيبلنا سهير ذكى تترقص و كدة و تهشتكنا و تبشتكنا ياريتة يا خويا يعمل كدة بلا قمر الدين بلا هم اهو الشباب تفرفش كدة و ترحرح على راحتها ...
أكمل المذيع قائلا
و كذلك تضمنت التعديلات أعطاء صلاحية لرئيس الجمهورية بحل مجلس الشعب دون إستفتاء عام ...
حل اية يا راجل يا مذيع يا خرفان انت جاك حل وشطك من مصارينك ...و هو مين اللى عام و مين اللى غرق يا واد فهمنى هنا
رد عليها الشاب فى لهجة الى البكاء ...
والله يا جدتى باين علينا احنا اللى بنغرق....
ما هو عشان انتوا خايبين و مش بتعرفوا تعوموا هو انت ما شمعتش اغنية عبد الوهاب اللى بيقول فيها قبل ماترمينى فى بحورك مش كنت تعلمنى العوم ها يا واد ما شمعتش و لا تكون ماشمعتش
اسكتى اسكتى خلينا نسمع.......
و قد نوينا تعدديل المادتين رقم 173 ,179 و إلغاء منصب المدعى العام الإشتراكى...
هتف الشاب صارخا
يالهوى.......امال مين اللى هيحاسب الفاسدين اللى فى البلد و مين اللى هيحاسبهم على فلوسهم و عمايلهم السودة
هو مين المدعى العام دة ياواد
دة يا ستى اللى بيحاسب الفاسدين اللى فى البلد ذى اللى حصل مع صاحب عبارة السلام كدة...
شيكارة حمام هو الحمام بقوا يعبوة فى شكاير اليومين دول يا ولدى ولا ايه لا مادام وصلت لتعبية الحمام فى شكايريبقى كدة الحكاية زاطت يا ولدى و بقت شلطة و حرام عليهم اللى بيعملوة فى الحمام دة ...مين كدة هيحاشبهم بقى اذا كان هيشيلوا المدعى العام الإختراقى دة
بكى الشاب حتى أنتحب و هو يقول
المحاسب ربنا يا جدة...المحاسب ربنا
و حتى الأن لم نعلم هل يبكى الشاب من جدتة التى أصابتة بشلل و إحتقان فى الزور و مغص كلوى ام إنه يتظلم على ما حدث من تعديلات فى الدستور فجاه هتف ماجد هيه خربانه خربانه[font="Arial Black"][/font]
