لهجة البحرينيين

**بسمة الحياة** · 10-10-2006

السلام عليكم ورحمه الله وبركاته

اليوم بكلمكم عن لهجتنا البحرينية

وطبعا كل منطقة في المملكة يتميز أهاليها بشي

مال محرق : يمه راشد هات الكاب إلي يم البالدي إلي على الموقعه صوب
الترييج مال بانوش ابوك وحاسب لا تتحنقل بالقبان في دربوك
(( طبعا محد بيفهم شي ))

مال الحاله: إنته شسموك وجم عمرووك
والباقي يالسين على الدجه يم
البراده ..

مال قلالي : مب زين لك تفتر هناك بعد الساعه 12 بدون ما تعرف احد
من
قلالي صبيانهم مسوين عقد مع الداخليه

مال الحد:واحد يكلم رفيجه ، الله يا بو راشد شزين هالهوييييه
ناقصتنه
بس حلويييه من شويطر .

مال عراد: واحد زنده يمشي عليه التيس من البحر لي البيت ومن البيت
لي
البحر.

مال الرفاع الشرقي: واحد حده صية يازعم بدوي وراكب نيسان وآخرته
يطلع
هولي!!!!

مال الغربي: واحد في يده طاره ومعلق في رقبته درنكات والعود على
ظهره.

مال مدينة عيسى: 24 ساعه طق باليس بالموتر وياخذ له فرتين ويرجع
يطقه
باليس!.

مال مدينة حمد : منخشين مالهم حس.

مال البحير : واحد متسبب عليك مني والدرب معنك لازم تنزل رقبتك
عشان
تقدر تجوفه
من قصره!!.

مال عسكر: لازم تقول دعاء السفر قبل ما تروح لهم

مال الحوره: تبي تدل بيتنه؟ سهل! جفت الداعوس إلي يمه داعوسين وسط
الدواعيس الثلاثه إحنه بيتنه في الداعوس الوسطي.

مال ستره : ويش ابو عبدو علي شحوال السمش معاك.

مال سند : ماما بليييييز أبي آروح وذ ربعي عشان وي هاف سوم فن.

مال الصخير: غير الينانوه ودكاتره الجامعه محد ساكن

مــلـــطـــ الـسـموحة ــووِش

**شهودة** · 10-10-2006

مشكورة أختي بسمة الحياة
بس والله مافهمت شئ ...
بس حلو أتعلم لهجة غير لهجتي
جزاك الله خيرا أختي ..

**ღالفراشـεïз نهىღ** · 10-10-2006

السلام عليكم

اقتباس


	مال محرق : يمه راشد هات الكاب إلي يم البالدي إلي على الموقعه صوب الترييج مال بانوش ابوك وحاسب لا تتحنقل بالقبان في دربوك (( طبعا محد بيفهم شي ))

يرضى عنك ربى يا بسمة دنيا واخرة شو هالحكى ولا ربع كلمة فهمت ؟؟؟ ممكن ترجمة ؟؟؟؟

طبعا اكيد حلو نفهم لهجات بعض ورائع مثللك بس بدى كمان افهم شو يعنى بلهجتى ؟؟؟؟

تحياتى

**بسمة الحياة** · 10-10-2006

شهوودة ونهى

تسلمون حبايب قلبي ع مروركم الحلو

والله يعيطكم العافية

بالنسبة للترجمة
يمه راشد هات الكاب إلي يم البالدي إلي على الموقعه صوب
الترييج مال بانوش ابوك وحاسب لا تتحنقل بالقبان في دربوك
(( طبعا محد بيفهم شي ))
- وحده تقول لولدها واسمه راشد .. تطلب منه اييب لها كاب "القبعة" من على الطاولة اللي
يم بانوش "قارب" ابوه يعني ابو راشد .. ويحط في باله لا "يتحنقل" يعني ماعرف افسرها
بالعربي الفصيح خخخخخخ "يعني يحط باله عشان لا يطيح"
والقبان اللي اهوا النعال اللي في طريجه

والسموحة

**سمر الليل** · 10-10-2006

اقتباس


	مال سند : ماما بليييييز أبي آروح وذ ربعي عشان وي هاف سوم فن.

لوووووووول هذه الشئ الوحيد اللي فهمته

مشكورة بسمة حبيبتي يعطيتش الف عافية

ونحن بانتظار جديدك

**عافك الخاطر** · 10-10-2006

عاد كلش ولا المحرق مير ماينفهم عليهم

يعطيتس العافيه

ولطشا موفقا ياخيتوو , , ,

**ابتسامة الموناليزا** · 10-10-2006

خيتو بسمه هذي طلعت اصعب من لهجتنا العراقيه----------------------؟
ممكن من اترجمين الكلام ترجمي بلغه العربيه تعرفي ليش لانه الفلسطيني والشام والمغربي مايفهمو عل اللهجه الخليجيه وانتي مترجمتها بلهجه الخليجيه يعني فسرو الماء بلماء--------------
اعرف راح انتعبج بس ممكن توضيح اكثر لانه اني---------------------------------->اطرش بزفه
مشكووووووووووووووووووووووووووووره عل الموضوع اللطيف-----------

**بسمة الحياة** · 11-10-2006

سمر الليل .. عافك الخاطر

يعطيكم ألف عافية ع المرور الحلو

ونووور الموضوع والله

هند حبوبة شو تبيني اترجم لج؟بالضبط؟؟

**@sara@** · 11-10-2006

لهجتكم كثيير حلوه بسوومه مع اني لم افهم ولا كلمه هههههههه
مشكوره غاليتي على موضوعك الحلو
"تحياتي"

12-10-2006

أولا أرحب بعودتك يا بسمة وياهلا فيك،،
عاد أنا فهمت كل كلامك يا بسمة،،،
وما احتاج مترجم،،،
يعطيك العافية وبإنتظار مزيدك،،

أجمل تحياتي

**فارس النيل** · 12-10-2006

مال قلالي : مب زين لك تفتر هناك بعد الساعه 12 بدون ما تعرف احد
من
قلالي صبيانهم مسوين عقد مع الداخليه

لا حول ولا قوة الا بالله سهلة جدا صراحة
وانا فهمت كله الا الجملة دى ما فى غيرها والله اللى فهمت كلمة واحده منها
الله يعنكم على لغتكم بس اكيد هى حلوة بالنسبة لكم زى اى انسان عربى فى مختلف البلدان
بيعتز بلغته

مشكورة بسمة الحياة على الموضوع وعن جد نفتقدك

تحياتى

**بسمة الحياة** · 15-10-2006

سارة .. هههههههههههه ،، ماعليه حبيبتي تتعودين انشاء الله
مشكورة ع مرورج الروعه حبيبتي

د.هاواي.. اول شي نووور الموضوع بردك
وثانياً اكيد ولو اذا انت تبي مترجم مافينا فايدة عيل خخخخخخ ،، الله يعطيك العافية

تيتو.. ههههههههههههه ماعليه اخوي ،، تحمل هذي لهجتنا
نووور الموضوع بردك ،، والله يعطيك العافية


[ استرجاع كلمة المرور ] [ طلب كود تفعيل العضوية ] [ تفعيل العضوية ]

يتصفح الموضوع حالياً : 1 (0 عضو و 1 ضيف)

أدوات الموضوع
مشاهدة صفحة طباعة الموضوع أرسل هذا الموضوع إلى صديق