دوره( i c d l ) كامله من الاف للياء ( للمبتدئين) الى حد الاحتراف في التعامل مع الجهاز

**nonna** · 28-08-2008

دوره( I C D L )

اخوانى الاعزاء

فكرت كتير جدا في شأن اللى يجهلوا التعامل البدائي مع الحاسب الالى وفي نفس الوقت لقيت ناس بتاخد دورات كتير وبتدفع مبالغ كبيره في الدورات دى وده بصراحه اللى شجعنى انى اعرض الموضوع ده .............واللى هبدأ فيه من البدايه للنهايه ( الى حد التعامل المتقن مع الجهاز) قد يعرف البعض الكثير من المعلومات المعروضه ولكن مع الوقت والتقدم بالتأكيد سيجد كل فرد ما قد يجهلله ولو معلومه بسيطه .

الحقيقه انا هقدم في الموضوع ده دوره بتتاخد اسمها ( ICDL ) اى الرخصه الدوليه ودى عليها اقبال كتير وبعد نهايتها ان شاء الله نبدأ في مرحله اكبر اذا ربنا اراد

اتمنى الموضوع يحقق الفائده المرجوه ........( للمبتدئين)

بسم الله نبدأ:

( المحاضره الاولى )

اولا نبدأ بأول حاجه بتلمسها في اسخدامك وهو الفاره ( MOUSE ) ........ ولازم نعرف ان ليها اكتر من استخدام واكتر من حاله

اولا في الماوس زرارين ( يمين وشمال ) الضغط عليهم بيسمى CLICK والضغط لمرتين متتاليتين يسمى DOUBLE CLICK ولكل منهم استخدام كالاتى:

اولا الزر الايسر :

1) اولا : يستخدم عند نقل اى ملف او اى ايقونه من مكانها لمكان اخر وتسمى العمليه دى ( DRAG AND DROP ) كما يتضح في الصوره

2) ثانيا: لفتح الملفات ب الدوبل كليك ( ضغطتين متتاليتين) كا في الصوره :

ثانيا: الزر الايمن :

اولا اذا ظغطنا كليك يمين في مساحه خاليه على الديسك توب ( desk top ) هتتفتح نافذه مكتوب فيها بعض الاوامر زى المبينه بالصوره : ( arrange icons by _ new _ *******_properties ) ونعرف سوا وظيفه كل منهم :

اولا : arrange icons by: ومعناها ترتيب الايقونات حسب وعند الوقوف عليها تظهر نافذه اخرى : كالاتى:

ومعنى كل منهم هو:

name : اى ترتيب الايقونات حسب الاسماء
size: اى ترتيب الايقونات حسب الحجم
type: اى ترتيب الايقونات حسب النوع
modified : اى ترتيب الايقونات حسب تاريخ انشاءها
auto arrange: اى ترتيب تلقائي

بعد كده هنلاقي الامر ******* وده كتير الكلام عنه ولكن اعرف ان معناه انعاش الجهاز ولا داعى للاطاله في الوقت الحالى
ثم نجد الامر : new واذا وقفنا عليه تظهر نافذه اخرى بها عدد من البرامج الهامه الموجوده على الجهاز والتى يكثر استخدامها مثل الورد ( word ) او بغرض انشاء ملف جديد وذلك عند الضغط على اول خيار ( folder ) كما بالصوره :

واخر امر هو properties ومعناه خصائص وعند الضغط عليه ستظهر نافذه اخرى بها عده اوامر هامه : سنوضح خصائص ووظيفه كل منها :

اول شئ هو ال desk top : ويتم الضغط عليه للقيام ب : تغيير خلفيه الجهاز كالاتى: حيث تقوم باختيار الشاشه التى تريدها ثم تختار apply وبعدها ok : ثم تقوم باغلاق هذه النافذه : وبالفعل تتغير الشاشه :

تانى نافذه هى : ال screen saver اى شاشه التوقف والتى يمكن تغييرها ايضا : كالاتى ويمكن عرض الشاشه قبل اختيارها من خلال زر preview

بعد كده هنلاقي نافذه ال apperance وتعنى المظهر : يمكن من خلالها تغيير اللون او جحم الخط او الستايل حسب الرغبه من خلال الثلاث خياراات الموجوده : windows and buttons _ color scheme _ font size وهذا مثال : فاذا قمت بالضغط على apply بعد اختيار ما هو موضح بالصوره سوف يتم التغيير الى اللون وحجم الخط الجديد :

خر نافذه هى settings والتى يمكن من خلالها تحديد دقه الشاشه ( screen resolution ) اى جعل الايقونات كبيره او صغيره او كما تشاء :
وعند تحريك المؤشر كلما صغرت الايقونات كما تريد : كالاتى:

صوره بعد النصغير ...

بكده عرفنا كليكات الماوس بكل اوامرها :

نيجى لنقطه تانيه مهمه وهى : نظام التشغيل : (operating system ) المطلوب منك حاليا هو انك تعرف اسمه وهو ( windows ) او الدوس ( dos ) او ليمكس

طيب ازاى تعرف خصائص النظام ده : system properties
هنتبع الخطوات دى :
1) start
2) control panel
3) performance and maintenance
4) system

هتظهر ليك شاشه فيها خصائص النظام :
الصور :

ستظهر الان نافذه الخصائص كالاتى:

كامله من الاف للياء ( للمبتدئين) الى حد الاحتراف في التعامل مع الجهاز

**nonna** · 28-08-2008

اتمنى تكونوا استفدتم و انتظرونى مع المحاضرة التالية ..

**شهودة** · 28-08-2008

السلام عليكم ورحمة الله وبركاته

موفقة حبيبة قلبي ..

متابعة معك

بداية سهلة .. وننتظر الأصعب بإذن الله

**nonna** · 31-08-2008

وعليكم السلام ورحمة الله وبركاته

منورة حبيبتى و انا كتير ببقى فرحانة لما اشوفك شهد

و ان شاء الله تستفيدى عيونى و اى سؤال انا حاضرة

لانى الحمد لله اجتازتها بنجاح و ممكن افيدك بأى شىء بدك تفهميه عيونى تسلمى يا سكر ة ..،،،

**nonna** · 31-08-2008

المحاضره الثانيه

دلوقتى نيجى لنقطه ازاى تفتح قايمه start اللى هى دى :

اول شئ ممكن تضغط كليك شمال عليها من تحت
او : تضغط ctrl+ esc مع بعض هتفتح نفس النافذه

طيب تقفل الجهاز ازاى؟

srart من الصوره اللى فوق وبعدين turn off وبعدين turn off وبس ..............

نعمل ايه لما الجهاز لم يستجيب للاوامر او بلغتنا يهنج يعنى ( not responding) او ( frozen)

هنضغط على ctrl+ alt+delete مع بعض هتظهر شاشه او نافذه تسمى ( task manager )هنشوف ايه البرنامج اللى موقف الجهاز ونعمله end task بس كده؟؟

في معلومه صغيوره لازم تعرفها وهى ( اسم نظام التشغيل بتاعك)

(operating system) :
windows او dos

نيجى للوقت والتاريخ : في طريقتين عشان تعرف الوقت والتاريخ :

1) دبل كليك شمال على الوقت الموجود تحت في شريط المهام
2) من الكنترول بانل ( control panel) :
start-(setting)-control panel_ date and time. بس

time zone : هنا بتقدر تحدد الدوله اللى انت عايز تعرف توقيتها

اللغه:
Regional and language :

وظيفتها هو تغيير لغه الجهاز او اضافه لغه بالطريقه دى:
start_setting_control panel_date,time,language_language
وبكده تختار اللغه اللى انت عاوزها وهتلاقي عندك كلمه details لو ضغطت عليها هتلاقي كلمه add ومعناها اضافه ( اضافه لغه) .

الكلام طبعا لحد دلوقتى سهل .......بس اى

استفسار لا تبخل على نفسك بالمعلومه حتى ولو كانت بسيطه .

**nonna** · 31-08-2008

المحاضره الثالثه

نيجى دلوقتى لمعلومه مهمه وهى عمليه فرمته الديسك ودى مسأله بسيطه جدا وده لما تشك ان ممكن يوجد ع الديسك فيروس او انك مش محتاج اللى عليه وبتتم كالاتى :
بتقف على floppy وتضغط كليك يمين ثم تختار كلمه format ثم start وللسرعه هتضغط على quick format ودى صوره للتوضيح : مع العلم بعدم وجود ديسك :

نيجى لنقطه انك عاوز تمسح برنامج موجود عندك على الجهاز او انك عاوز تشيل نسخته عشان تنزل نسخه جديده هتتبع الخطوات دى :

start _setting_ control panel _ add and remove prorammes
وهنا هتوصل لكل البرامج الموجوده بالفعل على الجهاز واللى هتحب تشيله مجرد هتضغط على remove وادى الصوره :

دلوقتى عايزين نعرف ازاى ناخد صوره لاى شئ يعجبنا...........صوره ع النت او انك عاوز تصور مشكله او رساله عشان ترفعها على المنتدى او غيره كل ما عليك هو :
الضغط على زرار print screen في لوحه المفاتيح وبعدين تروح لبرنامج الورد او الرسام وتفتح قايمه edit وبعدين paste وفيبرنامج الرسام لو عاوز تحفظها كصوره منفصله هتفتح قايمه file وبعدين save as وتختار المكان وبس ...................

طيب انت عاوز الكمبيوتر يساعدك في معرفه معلومه عن اى شئ هتعمل ايه؟؟

start ثم help and support ثم index واكتب اسم اى شئ عاوز تستفسر عنه مثلا keyboard shortcut هتظهر ليك كل اختصارات الكيبورد بعد متضغط على display

برنامج محرر الكتابه : word pad
كيفيه فتحه:

start_programs_accessorise_word pad

طريقه الحفظ:

من قائمه file نختار امر save ثم نحفظه باسم ثم save .....

فتح ملف جديد :
من قائمه file نختار امر new

غلق البرنامج:
من اغلاق close

**شهودة** · 31-08-2008

السلام عليكم ورحمة الله وبركاته
هلا بقلبو ..
بصراحة هذه مهما حاولت معها ماتنفع معي أبدااا ياقلبو ..

اقتباس


	دلوقتى عايزين نعرف ازاى ناخد صوره لاى شئ يعجبنا...........صوره ع النت او انك عاوز تصور مشكله او رساله عشان ترفعها على المنتدى او غيره كل ما عليك هو : الضغط على زرار print screen في لوحه المفاتيح وبعدين تروح لبرنامج الورد او الرسام وتفتح قايمه edit وبعدين paste وفيبرنامج الرسام لو عاوز تحفظها كصوره منفصله هتفتح قايمه file وبعدين save as وتختار المكان وبس .................

بس دروس جدا جدا مفيدة أختي .. وحاليا ماعندي سؤال ..
بس لو عندي حسأل ..
تسلمي ياقلبو .. تابعي وأنا حكون متابعة معك بإذن الله ..
شهودة

**شهودة** · 07-09-2008

نفعت معي أخيرررررا جزاك الله خير نونا ..

ياليت تكملي لنا الدروس


[ استرجاع كلمة المرور ] [ طلب كود تفعيل العضوية ] [ تفعيل العضوية ]

يتصفح الموضوع حالياً : 2 (0 عضو و 2 ضيف)

أدوات الموضوع
مشاهدة صفحة طباعة الموضوع أرسل هذا الموضوع إلى صديق